Hreyfing

Það er margt sem gerist í líkamanum þegar þú hreyfir þig.

Við reglulega hreyfingu lækkar blóðþrýstingur og kólesteról, hjartað styrkist og lungun þenjast betur út sem eykur súrefnisflæði til líffæranna. Hreyfing getur dregið úr þreytu og aukið líkamlega og andlega orku og vellíðan. Bein, liðamót og vöðvar styrkjast. Hreyfing hefur áhrif á innkirtlakerfið, ónæmiskerfið og ýmis efnaskiptaferli og auðveldar þyngdarstjórnun.

Hreyfing dregur úr líkum á ákveðnum tegundum krabbameina, sérstaklega má nefna í ristli og endaþarmi. Auk þess veitir hreyfing vernd gegn hjarta- og æðasjúkdómum, sykursýki og fleiri sjúkdómum.

Svo lengi sem hún fer ekki út í öfgar er öll hreyfing jákvæð, og því meiri hreyfing, því betra. Æskilegt er að hreyfa sig rösklega, þannig að hjartsláttur og öndun aukist, í að minnsta kosti hálftíma á dag.

Lestu nánar um hvernig hreyfing dregur úr líkum á krabbameinum á krabb.is.

Hugmyndir til að koma þér í gang:

Stattu í 10 mín í stað þess að sitja – við skrifborðið í vinnunni eða á meðan þú drekkur kaffið
Gakktu auka 50 tröppur – það gæti komið þér á óvart hvað það er lítið mál
Finndu þá brekku sem næst er heimilinu og gakktu fimm ferðir upp og niður
Fáðu barn eða hund með þér í göngutúr og fáðu nýtt sjónarhorn á umhverfið
Stattu á meðan þú brýtur saman þvottinn við borðstofuborðið
Leggðu eins langt frá innganginum í vinnuna og hægt er, aukaskrefin telja
Drífðu þig í sund og syntu allavega 250 metra
Gerðu armbeygjur á tánum eða hnjánum: tvær umferðir af tíu armbeygjum
Gakktu á staðnum á meðan þú tekur símtalið
Gerðu rólegar teygjuæfingar í 10 mín
Nýttu vorbirtuna í morgungöngu fyrir vinnu, hún þarf ekki að vera nema 10 mín
Taktu ruslapoka í göngutúr um hverfið þitt eða uppáhalds útivistarsvæðið þitt og plokkaðu rusl
Gerðu grindarbotnsæfingar á meðan þú brýtur saman þvottinn – já karlar jafnt sem konur
Ryksugaðu íbúðina á mettíma og finndu hvað það tekur á
Taktu kvöldgöngu fyrir svefninn og finndu hvað þú sefur vel eftir á
Gerðu háar hnélyftur meðan þú horfir á sjónvarpið: tvisvar sinnum tvær umferðir af tíu hnélyftum
Finndu spennandi æfingu á Youtube (af nógu er að taka) og taktu 10 mín æfingu heima í stofu
Taktu stigann þó þig langi að taka lyftuna – já allavega í dag
Gerðu hnébeygjur, þú getur stutt þig við stól ef það hjálpar, tvær umferðir af tíu hnébeygjum
Taktu teygjuæfingu í rúminu áður en þú ferð fram úr á morgnana

Næstu greinar

Áfengi

Þó að það sé ekki endilega vinsælt þá vitum við að áfengi er skaðlegt. Að takmarka áfengisneyslu, ef þú drekkur á annað borð, stuðlar að betri líðan, betri svefni, betri árangri í íþróttum og námi og minni líkum á krabbameinum og fleiri sjúkdómum.

Gómsætar uppskriftir

Fjölbreytt fæðuval skiptir máli fyrir alla. Til að gefa þér nýjar hugmyndir hefur Bragi Guðmundsson matreiðslumaður tekið saman nokkrar einfaldar og bráðhollar uppskriftir.

Góðgæti af grillinu

Þegar kemur að grillun hefur hver sinn smekk; hvort grilla eigi á kolum eða gasi, hvaða marineringu á að velja og hvaða hráefni henti best.

Góður svefn

Svefn hefur mikil áhrif á líkamlega og andlega heilsu okkar og þar með á lífsgæðin. Margir þættir geta haft áhrif á svefngæði og svefnlengd eins og of mikil tölvu- og snjallsímanotkun, annríki, streita og sjúkdómar.

Matur og næring

Fjölbreytt fæðuval skiptir miklu máli, líka fyrir þá sem þurfa ekki endilega að léttast. Með því fær líkaminn þau næringarefni sem hann þarf á að halda og við stuðlum að betri heilsu, vellíðan og minni líkum á ýmsum sjúkdómum, þar á meðal krabbameinum.

Reykingar og tóbak

Að hætta að reykja er mögulega stærsta einstaka skrefið til betri heilsu. Fyrir utan neikvæð áhrif á þol og almenna heilsu auka reykingar (líka óbeinar) líkur á krabbameinum, m.a. í lungum, og hjarta- og æðasjúkdómum.

Sólin getur bitið

Sólargeislun getur skaðað húðina og aukið líkur á húðkrabba. Sumir okkar virðast hins vegar duglegri að bera viðarvörn á pallinn en sólarvörn á húðina.

Ertu með ábendingar varðandi þessa síðu?

Já