Ráðgjafar­þjónusta

Ráðgjafarþjónusta Krabba­meins­félagsins býður ráðgjöf, stuðning og hagnýtar upplýsingar fyrir þá sem greinst hafa með krabbamein og aðstandendur þeirra. Einnig geta þeir sem hafa spurningar eða grun um krabbamein haft samband. Þjónustan er fólki að kostnaðarlausu og án allra skuldbindinga.

Þeim sem hafa greinst með krabbamein og aðstandendum þeirra býðst hagnýt fræðsla, viðtöl, ráðgjöf, ýmis námskeið og slökun hjá fagfólki. Pantaðu viðtal með tölvupósti , hringdu, sendu okkur línu eða kíktu við í spjall og kaffibolla á fyrstu hæð í húsi Krabbameinsfélagsins að Skógarhlíð 8  (þú þarft ekki að bóka tíma). Opið mánudaga, þriðjudaga og miðvikudaga kl. 9:00-16:00, fimmtudaga kl. 9:00-18:00 og föstudaga 9:00-14:00.

Aðrir sem hafa spurningar tengdar krabbameinum geta líka haft samband t.d. þá sem grunar að þeir séu með krabbamein en vita ekki hvert þeir geta leitað, hafa áhyggjur af einhverjum öðrum með krabbamein, hafa misst ástvin eða eru að velta fyrir sér einhverju í tengslum við krabbamein. 

Hjá okkur starfa hjúkrunarfræðingar, félagsráðgjafar, sálfræðingur og kynfræðingur.

Síminn 800 4040 er opinn alla virka daga og alltaf er hægt að senda tölvupóst á netfangið radgjof@krabb.is.

Sálfræðiþjónusta - Fjölbreytt námskeið - Símaráðgjöf - Viðtöl - Réttindaráðgjöf - Djúpslökun -Hádegisfyrirlestrar - Fræðslufundir - Hugleiðsla og jóga - Öndunaræfingar 

Lestu meira: