Stuðningshópar og jafningjastuðningur
Á vegum Krabbameinsfélagsins starfa stuðningshópar fyrir þá sem hafa (eða hafa haft) krabbamein og aðstandendur. Þeir bjóða meðal annars upp á jafningjafræðslu og félagsskap. Þeim sem taka þátt í stuðningshópum líður oft betur og upplifa aukin lífsgæði.
Jafningjastuðningur Krafts og Ráðgjafarþjónustunnar er fyrir fólk sem hefur greinst með krabbamein eða eru aðstandendur, er veittur af fólki sem sjálft hefur greinst með krabbamein eða verið aðstandendur.
Fagfólk Ráðgjafarþjónustu Krabbameinsfélagsins býður ráðgjöf, stuðning og hagnýtar upplýsingar fyrir þá sem greinst hafa með krabbamein og aðstandendur þeirra. Einnig geta þeir sem hafa spurningar eða grun um krabbamein haft samband. Síminn er opinn alla virka daga: 800 4040 og hægt er að senda tölvupóst á netfangið radgjof@krabb.is. Þjónustan er fólki að kostnaðarlausu og án allra skuldbindinga.